Könnte mir jemand diesen Text übersetzen (morgen Schularbeit und ich bin verdammt scheisse in Latein, muss also üben, aber weiß ja ned ob ich den Übungstext richtig übersetzt ab :p)
Carolus erat eloquentia copiosus et exuberans poteratque, quicquid vellet, apertissime exprimere. Nec patrio tantum sermone contentus erat, etiam peregrinis linguis ediscendis operam impendit. In quibus Latinam ita didicit, ut aeque illa ac patria lingua orare esset solitus, Graecam vero melius intellegere quam pronuntiare poterat. Adeo quidem facundus erat, ut etiam dicaculus appareret.
Artes liberales studiosissime coluit, earumque doctores plurimum veneratus magnis adficiebat honoribus. In discenda grammatica Petrum Pisanum senem audivit, in ceteris disciplinis Albinum cognomento Alcoinum, de Britannia Saxonici generis hominem, virum undecumque doctissimum, praeceptorem habuit. Temptabat et scribere tabulasque et codicillos ad hoc in lecto sub cervicalibus circumferre solebat, ut, cum vacuum tempus esset, manum litteris effigiendis adsuesceret, sed parum successit labor praeposterus ac sero inchoatus.
Lesezeichen